PCOS: katiwa-tiwala nga ba?

Supilin ang dayaan sa eleksyon. Yan ang pangunahing dahilan kung bakit ipinanganak ang PCOS Machine, upang mas mapabilis ang pagbilang sa bawat boto ni juan at matangal ang pag mamanipula ng mga resulta buhat ng manual at makupad na pagbibilang.

Noong 2010 naitatak sa kasaysayan ng Pilipinas ang kauna unahang Computerized election, sabihin man nating hindi ganun ka tagumpay ang paggamit nito sa kadahilanang maraming PCOS Machine ang nag ka aberya ay nadagdagan naman ang credibilidad ng resulta ng botohan.

Ngayong 2013 muli nanaman nating gagamitin ang makabagong teknolohiyan ito sa pagluklok ng bagong mamamahala sa ating bayan. Ngunit sa pag usbong ng bagong teknolohiyang ito ay ang paglaganap din ng isang High tech na paraan din ng pandaraya.

Hacking ang isa sa maaring paraan para mapalitan at imanipula ang mga boto ng bawat isa sa atin pero mukhang masyadong kompiyansa ang comelec na hindi ma hahack ang PCOS at hinamon pa nga ni Com. Brillantes and mga Hackers. Ang sa akin lang pano mo pagkakatiwalaan ang isang taong umamin na isa siyang IT illiterate?  

Hindi ba nila naisip na kahit ang mga systems at servers ng mga malalaking bansa ay na hahack na gumagamit ng mas matinding security sa kanilang mga servers.

Ayon nga sa isang article sa http://manilastandardtoday.com sinabi ni re electionist Senator Alan Peter Cayetano na may mga taong nag aalok ng kakaibang serbisyo na magbibigay ng siguradong pagkapanalo sa eleksyon sa pamamagitan ng pagmanipula sa PCOS machine kapalit ng malaking halaga.

Nakapaloob din sa article na ito na nuong 2010 elections may isang presidentiable at mayor ang inalok ng serbisyong ito at tumanggi, sa kasamaang palad parehas silang natalo. Ibig sabihin nito ay nuong 2010 palang ay meron ng mga hackers na nakialam sa resulta ng botohan.

Patunay lang nito na kung gusto may paraan at di na natin maalis ang dayaan dito sa ating bansa na dulot ng pagkagahaman ng mga taong uhaw sa kapangyarihan.

Bakit natin ipagkakatiwala ang ating mga boto sa isang aparatong akala nati’ý  magbibigay ng malinis at tapat na resulta ng eleksyon?

Ikaw?!May tiwala kaba sa PCOS?!